قلطـــة تجمع الهلال والاتحــاد
يمثل الهلال .. الشاعر / ماجد هلال
ويمثل الاتحاد .. الشاعر / محمد السواط
ماجد :
يامحمد ترى ماغاظني من قديم
.. غير بأنّك تشجّع نادي الإتحاد !
العقول السليمه ما تبا الاّ الزعيم !
.. فالعصور القديمه والعصور الجداد !
محمد :
مايروم العظايم غير رجلٍ عظيم ..
.. شي طبيعي تبا تغتاظ مني وكاد
في حضور النمور يصير من غير ميم
.. كل نارٍ يولّعها تعوّد رماااد
ماجد :
يا العظيم آويٍ لك من مرض مستديم !
.. إستمع لي قليل وخلّ عنك العناد
وصفكم يا النمور بدون " راكم " سليم
.. توّكم عن فعايلنا بـ " سنّ المهاد " !
محمد :
الهلالي ميوله ماهو بـ مستقيم .!
.. وانت ماجد هلال .. ولاهلالك مراد
يكفي انّا نمثل لـ .. الوطن يافهيم
.. إسمٍ اطلقْه ابو متعب علينا .. وساد
ماجد :
الهلالي بتشجيعه ، ورايه حكيم ،
.. يهزمك بالصباح ويهزمك بالهجاد !!
صحّ نادي وطن في عام واحد يتيم ،
.. مير من يوم أخذنا نادي القرن باااد !
محمد :
إنتكس بيرقكـ ماعدت نادي خصيم
.. وخّر وخل غيركـ يطعم الاضطهاد
ليت مانت بـ .. وحيد القرن حتى تقيم .
.. إمسيات الفرح في كل وادي وناد
********** ********** **********
الركـــلات الترجيحيّه :
محمد السواط .. الإتحاد ..
الأتحاد ان حضر قوّه
ويزلزل الكون في غيابه
يتوّه الخصم .. في جوّه
حتى .. جماهيره تهابه ..!
لعيبة الاتحاد بـ كل محفل نمور ..
اقدامهم لاجرت تعطب مضاريبها
خصوصا اليا عدا في المستطيلات نور
تشوف كل النوادي عاويٍ ذيبها .!
نادي الوطن فاخر وريّسه دكتور .
.. طبيب جرح وحكمته وسط راسه
لايمكن يصيبه تحت رايته جور
.. قائد شجاع وكفو هذي الرئاسه
أنا اتحادي وناديّ افتخر فيه
وآشجعه .. واضمنه في كل جوله
ويبقى هلال البطوله ند نغليه
ونّنافسه ... كل عامٍ في البطوله
ماجد هلال .. الهلال :
يامشجّعين النوادي فالسعوديه !
من لايشجّع .. زعيم الأنديه .. خاسر
في ذمّتي كنّ ملك الكون فـ إيديّه
لاشفت عيسى مع الشلهوب مع ياسر
عن الزعيم " أصّ " يا أهل الإتهامات !
ما للصحيح .. بـ تهمكُم أيّ عامل
أكثر جماهير ... والأكثر ... بطــــولات !
يشهد على مانقوله " قرن " كامل
الحقّ ينقال ، وإن ماقيل ينشاف !
ينشاف فالأوّل وينشاف تالي
بالحنكه وبالتعامل حسب الأعراف
مافيه من يشبه الرمز الهلالي
الشعر يوم إنفتح فـ الأنديه بابه
يامحمد افهم كلامي واستمع شوري
صحيح ناديك يلعب ونتباهى به
لكن حدّه ينافسنا على الدوري !!!!!
قلطــة بين الهلال والاتحاد
